Вчера бевме на промоцијата на првиот албум „АКТ01“ на македонскиот бенд Искра, а сите оние кои присуствуваа имаа можност претпремиерно да го погледнат и нивното ново видео „My Desire“.
Промоцијата се одржа на отворено во Котур кафе и филм, а на големо изненадување на присутните беше изложен и чипот од иднината што го пронајдоа дечките од Искра. Фотографии од чипот немаме, случајно или не – беше невозможно истиот јасно да се види на сликите колку и да пробувавме (HUMOR +100 +100 +100)
Ако сте меѓу ретките кои сѐ уште не слушнале за чипот – прочитајте го интервјуто кое го направивме со Искра неодамна и дознајте за што станува збор.
Инаку за оригиналната приказна на Искра како бенд и за новото видео имаме да кажеме едно големо браво бидејќи се звучно и визуелно освежување на македонската музичка сцена.
Погледнете го спотот за „My Desire“ каде за прв пат се појавуват и членовите на бендот, секако придружени од скопската анимирана банда.
За да го купите нивниот деби албум можете да им се обратите на социјалните мрежи Фејсбук и Инстаграм.
