Катериња ја знаеме од неодамна, кога за првпат се претстави со својот сингл „Trippin“. Песната и спотот беа одлични и уште од самиот старт ветуваа континуиран квалитет на она што ќе следува од неа.
Доследно на очекувањата, денес излезе нејзиниот нов спот кој е всушност лајф верзија на песната „Not Your Friend“ , еден вид на soulful jam во кој учествуваат и нејзините пријатели.
Песната која за нив претставува неделна химна за себепочитување зрачи со одличен вајб и убава енергија. Секако не мора да чекате до недела за да уживате во нејзината силна порака, придружена од звукот на smooth гитара и мини хор.
Нема да должиме многу, пуштете си ја песната и дозволете ѝ со леснотија да ве води кон еден убав продолжен викенд.
За оние кои го пропуштиле интервјуто кое го направивме со неа во март оваа година – истото можете да го прочитате тука
