Скопскиот музички колектив Baby Beef Crew (@babybeefcrew), познат по својата жанровска слобода и инклузивна енергија, овој викенд повторно ги отвора вратите на клупската сцена за едно уникатно и интерконтинентално доживување. Настанот ќе се одржи оваа сабота во дворот на Three Kitchen Bar (@threekitchenbar), а посветен е на 10-годишнината од постоењето на култниот фестивал Nyege Nyege од Кампала, Уганда.
Активни веќе три години на локалната електронска сцена, Baby Beef Crew преку својата серија настани под името „Accidental Gathering“ досега донесоа интернационални имиња како Toma Kami, Bitter Babe и Blood of Aza, градејќи репутација на платформа што го поддржува новото, храбро и културно различно.
Овој пат, Скопје има чест да биде дел од глобалната приказна на Nyege Nyege (@nyegenyegefest) – уметнички колектив, куќа и фестивал со седиште во Уганда, посветен на промоцијата на електронска и андерграунд музика од Источна Африка. Со уметнички резиденции, два лейбла (Nyege Nyege Tapes и Hakuna Kulala) и голем број фестивали, колективот создава простор за нови, неконвенционални звуци. Самото име „Nyege Nyege“, на јазикот луганда, означува неодолива желба за движење и танц.
Настанот го збогатуваат две моќни артистки кои се дел од Nyege Nyege од самиот почеток:
HIBOTEP (@hibotep) – визионерка од Кампала со уникатен, бескомпромисен стил што меша хип-хоп, хаус, техно, трап и експериментални форми во сетови кои ве тераат да се движите до последната капка енергија.
R3IGN DROPS (@r3igndrops) – диџејка и продуцентка, ко-основачка на колективот Dope Gal, позната по својот експлозивен афро звук и сетови кои комбинираат afro house, afro tech, 3-step и gqom. Заедно со HIBOTEP го водат заедничкиот проект MWOYO, носејќи нов бран женска моќ на африканската и европската сцена.
Настанот ќе има и силна локално-регионална поддршка:
SAUD (@saud.sutra) од Белград
Dimish (@dimish_) и NastasyaKish (@nastasyakish) – членови на Baby Beef Crew
Во сабота, Скопје пулсира со звук од Кампала. Настан кој не само што нуди музика за танцување, туку претставува културна размена, отвореност и љубов кон звуци што не познаваат граници.
Come for the love of cunty beats and bass noises!
