Во просториите на Универзитетот ФОН, оваа година на 14-ти и 15-ти октомври ќе се одржи одличен настан наменет за сите IT ентузијасти- WordCamp Скопје. Првиот ден ќе се одржи конференцијата со предавачи од различни сектори, а вториот ден на 15ти ќе биде Contributor day(дознај повеќе за Contributor Day). Без разлика дали менаџирате или поседувате некој WordPress сајт, или можеби сте директно вклучени во професија поврзана со IT технологии, оваа година кампот ќе понуди разноврсна содржина, можност за споделување на знаења, запознавање на луѓе и градење на посилна локална WordPress заедница. Овој пат, за прв пат, освен веќе познатиот камп за возрасни, ќе се одржи и камп наменет за деца, за сите љубопитни умови на новата генерација. Сите дополнителни информации, како билети, повици за предавачи и спонзори можете детално да ги најдете на https://skopje.wordcamp.org/2023/
За прв пат- WordCamp за деца
WordCamp за деца ќе биде фокусиран со запознавање на заедницата и можностите што таа ги нуди. Главната идеја е децата да добијат визија и слика за иднината што доаѓа работејќи ја оваа работа.Но, поважно, децата да се запознаат со вредноста и користа на технологијата и нејзината секојдневна улога во нашите животи.
Овие настани имаат голем придонес за целата WordPress заедница и се одлично место за добивање нови искуства, познанства и знаење.
