Симона Манчева е визуелна уметница од Кавадарци со магистерски студии на Факултетот за ликовни уметности во Скопје. Учествувала на повеќе групни изложби и фестивали меѓу кои: „the view from hire“ Портланд Орегон, „What is fear“( (TQAF), „Преземање на патријархатот АПАРТ“ Феминистичка групна изложба во Берлин (2019) „Со око на маргините“ – Квир изложба на фотографии – Скопски саем викенд (2017) – Трансформации; „НАШАТА ФУКУШИМА“, меѓународна групна изложба, дел од Интернационалниот уметнички проект „Гогојоши“. Има учествувано на голем број работилници во Македонија и надвор од неа, Словенија, Хрватска, Германија…
Таа има реализирано повеќе самостојни изложби, од кои последната е „Сопство“ во Младински Културен Центар (МКЦ), Скопје во 2019 и истата годинава во Дом на култура „Иван Мазов-Климе“ во Кавадарци. Симона учествуваше на третиот виртуелен Фестивал за светска квир уметност во Солун од 22 до 28 јуни. Таа таму се претстави со цртежи од книгата-боенка „Индукција на права” за сексуалноста и сексуалната работа, издадена минатата година во соработка со ХОПС и со македонските сексуални работници.
За еден уметник да твори е најважно… да сака да твори.
Инспирација и мотиви за творење наоѓам во… секојдневието.
Со уметност се занимавам од… кога се запишав средно училиште.
Техниката што најчесто ја користам е… молив на хартија.
Најдобрата позитивна критика што сум ја добила… можеш уште.
А негативна… земи си пауза сега.
Најчесто се вели дека делата говорат за внатрешните чувства на уметникот… најчесто се вели… зависи до вредностите на уметникот.
Изложбите се најголема можност на еден уметник да допре до поширока публика… изложбите се дел од работата на уметникот.
Индивидуалноста и креативноста на еден уметник најмногу доаѓаат до израз… со работа.
Фестивалот за светска квир уметност во Солун ми донесе… ми го донесе ова интервју 🙂
Цртежите од „Индукција на права“ имаат особено општествено значење бидејќи… зборуваат за сексуалната работа која е глобален проблем.
Развојот на квир уметноста на Балканот е во насока… на видливост.
Уметноста може да биде најдобар лек против предрасуди и стереотипи ако… е ангажирана уметност.
