Филмот „Кода“ го доби Оскарот за најдобар филм, каде што глумат неколку лица со оштетен слух. Освен главното признание за најдобар филм, глумецот Трој Коцур стана второто лице со оштетен слух во историјата воопшто – добитник на Оскар за споредна улога, точно 35 години по неговата колешка од новиот филм – Марли Матлин. Драмата на Apple TV+, купена од филмскиот фестивал „Санденс“ во 2021 година за рекордни 25 милиони долари, стана првиот филм од стриминг платформа што ја освоил наградата. Тоа е римејк на францускиот филм „La Famille Bélier“, фокусиран на единствениот член со слух во семејство со глуви лица.
Научнофантастичната сага „Дина“, од американската Академија за филмска наука и уметности доби најмногу – шест „Оскари“ од можни 10 номинации, меѓу кои и за монтажа, визуелни и звучни ефекти.
Џејн Кемпион е добитничка на Оскар за најдобра режија за „Моќта на кучето“ на Нетфликс. Кемпион е претходна добитничка на Оскар пред 28 години за пишување на оригиналното сценарио за „Пијано“ (за кое беше номинирана и за најдобра режија). Кемпион е и третата жена во историјата што ја добива наградата за најдобра режија, по Клое Жао за „Номадленд“ и Кетрин Бигелоу за „The Hurt Locker“.
Вил Смит го доби Оскарот за најдобра машка улога за улогата во „Кралот Ричард“, а Оскарот за главна женска улога отиде кај Џесика Честејн, за филмот „Очите на Теми Феј“.
Минатогодишниот номиниран за најдобар актер Риз Ахмед, исто така, стана првиот муслиман и првиот човек со азиско потекло кој победи во краткиот акционен филм „Долго збогум“.
„Ова е за сите што се чувствуваат како да не припаѓаат“, рече тој во својот говор. „Секој што се чувствува како да е заглавен во ничија земја. Вие не сте сами“, додаде актерот.
Британската двократна оскаровка Џени Биван, исто така, победи за нејзината костимографија на „Круела“.
За најдобра женска споредна улога е прогласена Аријана Дебоуз прва квир актерка од Афро-латинско потекло која ја добива наградата за филмот „Приказната од Западната Страна“.
Најдобар филм од неанглиско говорно подрачје е „Вози го мојот автомобил“ (од Јапонија).
Најдобра филмска песна е „No time to Die” во изведба на Били Ајлиш за истоимениот филм „Џејмс Бонд 007: Не е време за умирање“.
Најдоброто оригинално сценарио го има филмот „Белфаст’, режиран и напишан од Кенет Брана.
Најдобар анимиран филм е „Енкантo“
