Независно дали барате инспирација за уредување и преуредување на домот или едноставно ве привлекуваат убави ентериери, ви предложуваме неколку профили на „Инстаграм“ што вреди да ги следите.
1. Alyssa Kapito Interiors
Овој профил е на њујоршката компанија што работи внатрешен дизајн, во сопственост на Алиса Капито. На профилот @alyssakapitointeriors ќе најдете одлични ентериери, но и екстериери со остри, чисти линии.
2.Mad about the house
Удобни ќошиња, раскошни платна и прекрасни цветни аранжмани се заштитен знак на блогот @mad_about_the_house. Не залудно беше избран во листата на топ 10 блогови за ентериери, составена од британскиот „Вог“.
3.The Jungalow
Шик ентериерите не мора секогаш да се минималистички. Доказ за тоа е профилот @thejungalow, исполнет со идеи за бохо-уредување на домот.
4.My Scandinavian home
На @myscandinavianhome ќе ве дочека комплетна спротивност. Овој блог ја слави едноставноста и минимализмот на скандинавското уредување.
5.Green & mustard
Профил на кој една работа е сигурна – не недостига боја. Смели дезени, јаки нијанси, колоритни решенија што не даваат простор за монотонија и здодевност. Следете ги на @greenandmustard.
6.Contemporary life
Профилот го води Швеѓанката Мелија, која живее во Лондон. Слабост ѝ се природни материјали во ненападни бои, а покрај ентериери споделува и моменти од секојдневието. Следете ја на @contemporary_life.