Стефан Самандов е музички и концертен фотограф. Неговата кариера ја гради преку фотографирање на фестивали и музички концерти во и надвор од Македонија, како и за неколку продукциски куќи и артисти од Македонија. Низ неговиот објектив поминале имиња како: Andre Rieu, Dino Merlin, Chase and Status, Manu Chao, Ofenbach, Akua Naru, Mando Diao, Sven Vath,Sevdaliza, Mahmut Orhan Ben Klock, Pendulum, Nouvelle Vague, Dubfire, Kreator, Cannibal Corpse, At the Gates, Gogol Bordello, Laibach, Darko Rundek, Lisa Gerrard, Jonathan Bree, Napalm Death,Noisia, Dzajkovski, Paul Van Dyk, Rudimental, Joris Voorn, Pan-Pot. Љубител на документарци поврзани со фотографија и природа. Освен фотографија, љубител е и на шпанскиот јазик и е студент на Шпански јазик и книжевност на УКИМ.
За фотографирање се заинтересирав… пред пет години кога и го купив својот прв фотоапарат со кој започнав да ги доловувам моментите од секојдневниот живот најпрво како хоби кое сега ми прерасна во професија. За кратко време се заљубив во концертната фотографија која ми овозможи запознавање со многу талентирани уметници, патувања и поинаков пристап кон фотографијата воопшто.
Во неколку зборови би се опишал себе како..пред сè како спонтан, затоа што не ги планирам однапред кадрите туку дозволувам да ме води моментот и на тој начин сметам дека најдобро си ја изразувам креативноста. Би кажал и дека претерано навлегувам во детали, тоа подобро го знаат луѓето со кои соработувам.
Инспирација за фотки добивам од… сè што ме опкружува, секојдневниот живот, социјалните мрежи, а сè почесто и од документарци поврзани со фотографија како и книги од кои може да да извлече големо знаење.
Фотографијата има моќ да… да го смени начинот да кој гледаме на некои работи, да пренесе моќна порака и да предизвика силна емоција кај гледачите.
Фотографи кои редовно ги следам и ја почитувам нивната работа… ги има многу, како едни од омилените би ги издвоил Michael Muller, Steve McCurr, Peter Turnley, Alan Schaller, Sebastiao Salgado, Ross Halfin.
Неостварена желба ми е… да заминам на светска турнеја со некој бенд.
Социјалните мрежи се соодветно место за промовирање на фотографите… Дефинитивно се соодветно место за промоција на сите фотографи. Платформите како Instagram и Facebook можат да придонесат за достигнување на некоја посакувана цел.
Проект/фотограф со кој би сакал да работам е… како фотограф би го издвоил Oliver Takáč , кој има свој уникатен стил на кинематографски бои кои совршено се вклопуваат во секој портрет. А за проект немам некоја посебна желба но би сакал да работам на било кој филм како фотограф на сет.
Искуството низ годините ме научи… да излезам од комфорт зоната, да бидам свој во тоа што го работам,да се ценам повеќе и да развијам свој стил на фотографирање коj ме исполнува .
Најмногу сакам да фотографирам… портрети на луѓе и концерти, има нешто посебно во фотографирањето на изведувачите, самата емоција,енергија и движење кои го имаат за време на настап, и истата енергија која ја пренесуваат на публиката придонесува за доловување еден магичен момент.
Омилен дел од Скопје/Македонија ми е… од Скопје би ја издвоил Стараta скопска чаршија која е културно-историски дел од градот и со тоа сама по себе привлекува за фотографирање и документирање. А од Македонија не би можел да издвојам, секој град,секој пејсаж си има своја убавина.
Најчесто на Инстаграм пребарувам… најчесто не пребарувам ништо, го оставам Instagram да си направи свои предлози.
За еден фотограф најдобро да се изрази себеси е важно… секојдневно да ја развива креативноста, да наоѓа нови начини за подобрување на стилот што го практикува, секако и опремата која игра улога во создавање на подобра содржина, но според мене најважни се инспирацијата и идејата,затоа што без идеа никој не би можел да се изрази себеси.