Adam е најновото музичко остварување на Ámika (Ива Христовска), продуцентка, пејачка и авторка на своја музика која свири на гитара, бас и на други инструменти. Музиката ја прави на лап-топ од нејзиното импровизирано студио во спалната или дневната соба во зависност од околностите. Од неодамна се врати од Амстердам каде што живееше во последниве триипол години. За нејзината најнова песна ни открива малку повеќе.
„Гласот на Adam е мелодија која извира од топлото јадро на Земјата и се возвива во експанзивните розеви неба. Им зборува директно на емпатите кои бараат ослободување во нашето денешно општество“, вели Ámika.
Песната можете да ја слушнете на овој линк каде можете да ја изберете вашата омилена платформа за слушање музика.
Ámika ви посакува среќна Нова година и весели празници!
„Секогаш верувајте силно и не заборавајте да го негувате вашето психичко здравје! Сакајте се себеси, сакајте ги оние кои ви значат! И за крај… Бидете свесни и совесни за пластиката како ја фрлате и дали ја рециклирате? Како себеси, така и природата, сите ние сме ЕДНО,“ ви пожелува Ámika.
