2024 не беше година на огромни филмски триумфи и блокбастери , но беше година на филмско истражување. Голем број филмови поттикнаа страсни дебати, критички дискурс и ја покажаа трајната моќ на филмот да ја рефлектира и прекршува комплексноста на човечкото искуство. Направивме избор на 5 филмови кои нам ни оставија впечаток во годината што измина, а доколку сте пропуштиле некој од нив, нема подобар периоод од овој, за да ги изгледате.
1.Inside Out 2
“Inside Out 2” ги собори рекордите и стана еден од филмовите со најголема заработка на сите времиња. Овој успех ја зацврсти репутацијата на Pixar за создавање иновативни и емотивно резонантни филмови кои ја забавуваат и инспирираат публиката ширум светот. Филмот допре длабоко кај публиката од сите возрасти, не само децата, нудејќи проникливо истражување на емотивниот ролеркостер што се случува за време на тинејџерските години. Во ова продолжение, Pixar навлезе длабоко во сложеноста на емоциите на адолесцентите, покажувајќи ја борбата на самооткривањето, важноста да се прифати ранливоста и моќта на семејството и пријателите. Новите дотогаш непознати чувства за Рајли, како анксиозноста и срамот, прават хаос во нејзиниот свет, но останатите емоции ѝ помагаат да ја прифати сложеноста на растењето.
2.Dune: Part Two (научна фантастика)
Проширувајќи го епскиот свет од романот на Френк Херберт, “Dune: Part Two” продолжи да ја воодушевува публиката, навлегувајќи во темите на моќта, пророштвата, кревкоста на човештвото наспроти огромните сили. Филмот е визуелно спектакуларно и интелектуално стимулативно филмско искуство. Пофален од критиката за моќните изведби, верната адаптација на романот на Херберт и маестралната режија и способност да се пренесе сложеноста на екранот, “Dune: Part Two” го зацврсти своето место како филмско ремек-дело, потврдувајќи го и статусот на Дени Вилнев како едено од највизионерските филмски режисери на ова време.
3.Heretic (хорор/трилер)
Ако не верувавме дека шармантниот Хју Грант може да игра негативец во хорор филм, “Heretic” се појави да го потврди спротивното. Филмот наиде на признанија од кртитичарите за неговата застрашувачка атмосфера, мајсторски изградена неизвесност и мрачната, но брилијантна изведба на Хју Грант, како и неговото (на господин Рид) истражување на сложеноста на верата и изолирачката природа на екстремното верување и застрашувачките вистини што може да се криjат во навидум обичните луѓе.
4.”Challengers” (романса/спорт)
Стилска и провокативна драма на режисерот Лука Гвадањино која ги истражува комплексноста на љубовта, амбицијата и предавството во рамките на конкурентниот свет на професионалниот тенис
Филмот се здоби со различни критики, најчесто позитивни, со пофалби за неверојатната изведба на Зендаја и препознатливиот визуелен стил на Гвадањино. Но, имаше и такви кои сметаа дека дијалогот и заплетот се малку предвидливи. Во секој случај, “Challengers” предизвика значителни дискусии за темите на љубовта, предавството и сложеноста на човечките односи.
5.”A Real Pain” (драма/комедија)
Потресна и мрачна комедија за патувањето на неусогласените братучеди во Полска. Филмот е горко-слатко истражување на семејната динамика, сложеноста на идентитетот и трајната тежина на минатото. “A Real Pain” доби критичко признание за духовитоста во дијалогот и проникливото истражување на семејните однози. Критичарите ја пофалија способноста на филмот да ги спои хуморот и страдањето, создавајќи потресно и провокативно филмско искуство.
