За љубителите на добар хорор, предложуваме 10 серии кои дефинитивно ќе ве исплашат и ќе ви се допаднат.
The Midnight Club
Базирано на серијата книги од Кристофер Пајк оваа хорор драма ги следи животите на група терминално болни тинејџери кои се сместени во болницата Brightcliffe Hospice и го форм⁹ираат Полноќниот клуб. Тие тајно се среќаваат секоја вечер за да си раскажуваат хорор приказни и формираат пакт дека кој ќе умре прв, ќе се обиде од задгробниот живот да ги контактира останатите.
Marianne
Француска серија за писателка на хорор книги која кога се враќа во нејзиниот роден град открива дека злобното сениште што ја гонело во соништата постои и во реалноста.
Archive 81
Научно фантастичен хорор на основа на подкасотот со истото име, за истражувачи кои ја каталогизираат видео архивата на исчезнат режисер. Еден архивист е ангажиран да ги состави снимките на една режисерка и нејзината истрага за опасен култ.
Тhe Haunting Оf Hill House
Добропозната серија која не ги остави рамнодушни гледачите. Серијата следи група роднини кои како деца израснале во куќата што ќе стане најопседната куќа во земјата. Како возрасни тие мора да се соочат со трагедијата што ги поврзува повторно и со духовите од нивното минато.
The Haunting of Bly Manor
Млада гувернанта е ангажирана од еден маж да ги чува неговите внук и внукаво нивната фамилијарна куќа. Откако ќе дојде на имотот Блај, таа почнува да доживува чудни нешта и привиденија и полека почнува да се открива страшната историја позади имотот.
Midnight Mass
Иако не е класична хорор приказна сепак има елементи кои ќе направат да потскокнете. Приказна за мал, изолиран остров во кој живее мала заедница раздрмана од враќањето на еден млад човек и доаѓањето на нов харизматичен свештеник. Со доаѓањето на свештеникот почнуваат да се случуваат чудни нешта што уште повеќе ја засилува религиозноста кај населението.
Paranormal
Египетска серија со дејство во 60-тите години ги открива авантурите на доктор Рефат Исмаил, хематолог кој се наоѓа соочен со серија натприродни настани.
School Tales: The Series
Хорор антологија од Тајланд базирана на 8 хорор стрип приказни кои се адаптирани во серија од 8 епизоди за настани кои се случуваат во средно училиште.
Brand New Cherry Flavor
Режисерка се сели во Холивуд во 90-тите за да го сними својот филм но запаѓа во халуциногена дупка од секс, магија, одмазда и мачиња.
Guillermo del Toro’s ‘Cabinet of Curiosities’
Серија со осум епизоди од Гилјермо дел Торо, специјално направена за Ноќта на вештерките. Секоја епизода има посебна екипа и режисер, со премиера на две епизоди дневно. Серијата е опишана дека ќе ги предизвика традиционалните хорор наративи, со атрибути на мрачни и морничави, магични, гротескни и готик. Две од осумте приказни се според оригинални дела на дел Торо.
