Џон Батист кој беше номиниран за 11 Греми беше големиот победник на вечерта, освојувајќи пет награди вклучувајќи ја и наградата за албум на годината за „We Are“. Силк Соник дуото составено од Бруно Марс и Андерсон Паак освои четири награди, вклучително и рекорд на годината, додека Оливија Родриго и Фу Фајтерс земаа по три „Греми“ награди.
„Верувам во тоа до срж, не постои најдобар музичар, најдобар уметник, најдобар танчер, најдобар актер“, рече Батист кој ја доби ја доби најважната награда на вечерта за „We Are“, албум инспириран од движењето „Black Lives Matter“.
Освен наградите, на церемонијата ѝ се оддаде почит на ѕвездата на „Фу фајтерс“, Тејлор Хокинс, и видеомолба од претседателот на Украина, Володимир Зеленски.
Во претходно снимената порака, тој ги повика музичарите: „Со вашата музика, пополнете ја тишината што ја оставија руските бомби. Кажете ја нашата приказна. Кажете ја вистината за војната!“
Неговиот говор беше проследен со настап на Џон Леџенд, придружуван од украинските музичари Сиузана Иглидан и Мика Њутн, и поетот Љуба Јакимчук.
На церемонијата, одржана во „МГМ Гранд“ во Лас Вегас, имаше енергични изведби на „Лил нас икс“, Били Ајлиш и „БТС“.
Целосната листа на победници може да ја видите на линкот.
