Раздвижете го вашиот февруари: 6 предлози за места во Скопје со различни активности во кои ќе уживате

За сите што си ветивме дека ќе почнеме со вежбање или некоја активност ,,после празниците”, а не си го исполнивме ветувањето, денеска, први февруари е одлична можност да се поправиме. Овој февруари фокусирајте се на наоѓање активности во кои навистина ќе уживате и нема да ги гледате како обврска. За поголема мотивација пробајте нешто ново, вежбајте заедно со другар/ка, брат, сестра, колега/шка, следете го вашиот напредок, наградувајте се за успехот, никако не оставајте за ,,од понеделник” или ,,од први” и не се вадете со ,,немам време”. Врзете ги патиките, земете ја простирката и подгответе се да го раздвижете телото на начин на кој ќе се чувствувате добро. Мала промена може да направи голема разлика. Февруари е вистински месец за почнување на нешто за кое ќе си бидете благодарни во мај. Ви издвојуваме неколку забавни места на кои може да започнете со вежбање овој февруари.