Со нова фотосесија, брендот за вечерна облека Era Angela ги претставува своите најнови дизајни, останувајќи доследен на естетиката по која е препознатлив.
Структурираните корсети, елегантните силуети и фустаните со отворен грб и понатаму се заштитен знак на брендот, обликувани за жената која ја носи самоувереноста со природна леснотија и го негува современиот стил.
Оваа фотосесија означува почеток на ново визуелно поглавје за Era Angela, во кое прочистената естетика и вниманието кон деталите уште посилно ја истакнуваат приказната зад секоја креација.
Колекцијата е достапна онлајн, а може да се разгледа и во студиото.
