Blackstate е DIY (направи сам) аудио-визуелен експеримент и комплетно отворен уметнички концепт на Филип Тасевски – Fitz, артист со долгогодишно искуство во музичката индустрија и визуелниот дизајн.
Blackstate е вртење нова страна – самоистражување, визуелно и музичко експериментирање и доживување за сите сетила. Ова музичко созревање на Fitz и негово прераснување во аудио-визуелен артист кај публиката несомнено знае да разбуди длабоки, скриени емоции.
Во Јануари 2020-та го издаде своето прво EP – While the World’s on Fire, а “The Arsonist (Single Remix)” е ремиксувана верзија на истоимената нумера која се најде на EP-то од лани. На “The Arsonist” претходеа и видеата за “Wolves”, “Lost my Crown”, и “Indifferent”, која е пост-EP single.
Новото видео е соработка помеѓу долгогодишни, докажани и активни артисти од кај нас: Александра Костадиновска, Skopje Dance Theatre и Филип Тасевски – Fitz. We love it!
