Тинејџер кој се бори за „обесправените и заборавените“ е првиот ЛГБТИ+ карактер кој ќе го носи костумот на Капетан Америка. Марвел Комикс ја слави својата 80 годишнина со емитувањето на новата серија стрипови, Соединетите Американски Држави на Капетан Америка, во која Стив Роџерс ќе се обедини со поранешните Капетан Америка херои кога неговиот штит ќе исчезне. Хероите ќе одат на патување низ САД за да го најдат мечот и ќе запознаат луѓе „од сите сфери на животот“ кои ја носеле наметката на Капетан Америка за да ги бранат своите заедници. Арон Фишер, геј тинејџерот ќе биде прв во кратката серија стрипови кои ќе бидат објавени во јуни.
Марвел го опишуваат Фишер, кој е „Капетан Америка на шините“ како „бестрашен тинејџер кој се залага да ги заштити своите бегалци и тие кои немаат дом“, а неговото деби се поклопува со Месецот на гордоста.
„Арон е инспириран од хероите во квир заедниците: активистите, лидерите, луѓето кои секој ден се борат за подобар живот“, изјавил писателот на стрипот Џош Трухиљо. „Тој се бори за обесправените и заборавените. Се надевам дека неговата приказна ќе одекне кај читателите и ќе биде инспирација за следната генерација херои“.
Уметникот Јан Базалдуа вели дека навистина уживал да го создава Фишер. „Како транс-лице, среќен сум што можам отворено да претставам геј лице кое му се восхитува на Капетан Америка и се бори против злото за да им помогне на оние кои се скоро невидливи во општеството“ вели Базалдуа. „Додека го цртав си мислев, Капетан Америка се бори против супермоќни суштества и го спасува светот, но Арон им помага на оние кои чекорат сами и кои се соочуваат со секојдневни проблеми“.
Марвел во 80-тите имаше полиса „Без геј херои во Марвел Универзумот“, а во 90-тите стави назнака „Само за возрасни“ на стриповите во кои имаше проминентни ЛГБТИ+ карактери како одговор на конзервативните протести. Првиот геј карактер, Нортстар на канадскиот супертим Алфа Флајт бил создаден од Џон Брн уште во 1979 година но неговата сексуалност не се кажува дури до 1992 година.
Но во последниве години Марвел се труди да внесе разноликост во супехероите. За Халклинг и Викан од Младите одмаздници се објави дека се во врска во 2010 година. Во 2012 Нортстар конечно се венча со неговиот партнер во првата истополова свадба на Марвел една декада подоцна, откако хероите на DC универзумот Аполо и Миднајтер се венчаа во 2002 година. Во 2015 година, Ајсмен, еден од првите оригинални Икс-мен создаден од Стен Ли и Џек Кирби во 1963 година, конечно кажа дека е геј.
Извор: Guardian
