Бренд роден во ерата на пандемијата, чие истражување и развој е започнато на територијата на Велика Британија. Знаејќи дека нешто недостасува на корисниците за нега на кожата, се роди идејата за иновативна природна наука за нега на кожата. Уникатните формулации се фокусирани на градење режим, јасно дефинирани според опсегот за да ви помогнат да го прилагодите вашето патување за нега на кожата и да ги насочите вашите индивидуални цели за нега на кожата.
THE ELEMENSTS се состои од четири опсези за нега на кожата кои делуваат како катализатор, забрзувајќи го вашето патување до идеална кожа.
-Чиста кожа (Длабоко чистење на порите, без да се исуши кожата)
– Сјајна кожа (Осветлена, хидрирана, пополнета и навлажнета кожа)
– Избалансирана кожа (Баланс на биомот, контрола на себумот, против црвенило и смирена кожа)
– Напредна кожа (Против стареење, зацврстување на бариерата на кожата, зголемен колаген)
Производите се формулирани со комбинација на активни состојки и екстракти предводени од трендовите, категоризирани според нивните придобивки за кожата за да се справат со специфичните проблеми на кожата. Нивоата на вклучување на состојките и активната/природната содржина се јасно прикажани на секое пакување за да ви помогнат да се едуцирате!
Сите производи се дерматолошки тестирани и одобрени за чувствителна кожа.
Главни активни состојки кои се применуваат во науката на THE ELEMENSTS се:
– AHA и BHA киселините се едни од почесто употребуваните киселини во естетската медицина, но имаат широка примена и во козметичките производи. Може да ги најдеме во серумите, кремите, геловите за миење и др. За правилно користење, важно е да ја знаеме разликата помеѓу овие две групи на киселини.
– AHA киселина е кратенка за алфа-хидрокси(лни) киселини и се растворливи во вода и се одличен избор за нега на кожа со акни и лузни од акни, против создавање на брчки, против пигментации и во третмани за подмладување. Тие дејствуваат на површинските слоеви. Користењето на овие киселините треба да е конзистентно и долгорочно – видливи резултати после употреба на АХА киселини може да се видат по минимум 6 месеци.
Најупотребувани AHA киселини се гликолната, млечната и лимонската киселина.
– Гликолната киселина (дериват од шеќерна трска) се користи во третмани на акни и лузни од акни и третмани за подмладување против создавање на брчки. Од сите AHA киселини, гликолната киселина има најмала молекула и со тоа способност брзо да навлезе во подлабоките слоеви на кожата.
– Млечната киселина (добиена од ферментација од фруктоза,гликоза,сахароза и галактоза) вообичаено се употребува за ексфолијација кај лица кои се чувствителни на други типови на киселина. (Оваа киселина обично е од растително потекло).
– Лимонската киселина (дериват од лимон) се наоѓа во цитрусните овошја, а нејзиното дејство е исто така аниоксидативно, но и чисти од слободни радикали. Има одлични резултати во третмани за избелување .
– BHA киселините (бета-хидрокси киселина) пак се растворливи во масти и се одличен избор за масна кожа поради тоа што навлегуваат подлабоко во кожата и имаат антибактериско и антивоспалитено дејство. Најпознат пример за BHA киселина е салицилната киселина.
– Азелаична киселина – Главната употреба на азелаинската киселина е борбата против акни, третирање на розацеа, осветлување на умерена хиперпигментација и ексфолијација.
– Покрај овие киселини во производите се застапени и состојките: Ниациниамид, Сулфур, Хијалуронска Киселина, Мултивитамини, Активен Јаглен, Сквалан, Цинк како и Пептиди.
Кои се придобивките од употреба на овие активни состојки?
– Забрзано производство на нов колаген и еластин – Двата типа киселини овозможуваат отстранување, односно ексфолијација на мртвите клетки на кожата и на тој начин ги забрзуваат регенеративните процеси на создавање на нов колаген и еластин.
– Изедначен тен – Кога мртвите клетки се отстранети од лицето, кожата рефлектира повеќе светлина, изгледа негувано, има свежина и сјај, а се изедначува тенот и се добива посебен свеж изглед.
– Квалитетна кожа – со забрзување на процесите на регенерација и со забрзаното создавање на нов колаген и еластин, се подобрува квалитетот на кожата и практично се бришат брчките.
– Хидрирано лице – со користење на AHA и BHA киселините се подобрува влажноста (хидратацијата) на кожата.
– Заштитено лице – AHA и BHA киселините дејствуваат антивоспалително и антибактериски и го штитат лицето од формирање на акни и лузни од акни, но и спречуваат предвремена појава на брчки.
Иако имаат огромни придобивки, AHA и BHA киселините мора да се употребуваат внимателно. Домашната употреба на AHA и BHA киселините мора да е во ниски концентрации кои се препорачани од страна на стручно лице, секако со препорака како да се применуваат. Повисоки концентрации на AHA и BHA киселините како на пример третман со хемиски пилинг се прави исклучиво во дерматолошка ординација од страна на дерматолог.
