Францускиот уметник Andry „Shango“ Rajoelina создава преслатки илустрации на познати ликови од поп-културата што ги претставува како семејства. На илустрациите родители се најчесто најстарите или најмудрите ликови од ТВ серии, филмови, видео игри или книги.
Останатите ликови се децата во семејството. Неговиот уметнички израз е многу мек, магичен, а неговите илустрации можат да ви го разубават денот. Тој ги црта сите ликови, а вас ви останува само да го побарате вашиот омилен карактер, супер херој или суштество.
Повеќе инфо на следниот линк.
„11 години работев како дизајнер и аниматор на ликови, но во 2012 година имав повеќе слободно време и ја започнав оваа серија илустрации, кога за Денот на таткото го нацртав Batman како ги носи Robin и Batgirl на училиште. Потоа одлучив да пробам да вклопам повеќе карактери од поп-културата, филмови, видео игри, но тие не беа случајно одбрани. Постојано пробував да изнајдам некоја врска, што ги поврзува ликовите и која би ги правела да изгледаат како семејство. Карактерите што ги одбирам за родителски фигури не се во сите случаи билошки родители на децата, некогаш им се роднини, заштитници, пријатели од друга димензија и сл. Нема да сопрам, постојано имам потреба да барам нови „Супер семејства“ и да ги радувам децата и возрасните ширум светот“, изјави талентираниот уметник.
Извор: Bored Panda
