Големата дама на европските филмски фестивали, Канскиот филмски фестивал, е местото каде почнува сезоната на филмови и награди и каде филмските ѕвезди го запечатуваат својот статус како успешни актери и актерки. Годинава фестивалот ќе се одржи од 16 до 27 мај, а скоро секогаш новите филмови што се прикажуваат во Кан се мешавина од блокбастери и инди, како на пример минатогодишната селекција која ги вклучуваше Топ Ган: Маверик, Елвис, Триаголник на тагата и Заштита од сонце (Aftersun), и кои сите обезбедија номинации за Оскар. Во прилог ви претставуваме 11 филмови од годинашната селекција кои не смеете да ги пропуштите.
Killers Of The Flower Moon
Новиот филм од Мартин Скорсезе е трилер базиран на вистинска приказна за тоа како ФБИ во дваесеттите години ги истражувала убиствата на индијанските народи од племето Осаџ во Оклахома. Во главните улоги се Роберт Де Ниро, Леонардо Ди Каприо и Џеси Племонс
Asteroid City
Новиот филм на Вес Андерсон е за астрономска конвенција за тинејџери сместена во измислен град во пустина во педесетите каде почнува да се случува нешто мистериозно и чудно. Филмот е снимен во шпанско студио пред две години за време на рестрикциите за Ковид 19 со Марго Роби, Том Хенкс, Скарлет Јохансон, Тилда Свинтон и многу други.
May December
Деликатна драма од Тод Хејнс за љубовната романса и бракот помеѓу една жена (Џулиен Мур) и маж (Чарлс Мелтон) помлад од неа 23 години која се одвива под будното око на јавноста. По многу години, една холивудска актерка (Натали Портман) заминува на живописниот брег на Мејн за да се запознае со парот кој бил цел на таблоидите и со жената што треба да ja глуми на филм.
Firebrand
Историски филм за последната жена на Хенри Осми, Кетрин Пар, која ја глуми Алиша Викандер. Монархот го глуми Џуд Ло а филмот е за отровното ривалство и интригите во палатите откако Пар ќе стане цел на интерес за кралот.
La Chimera
Млад британски археолог (Џош О’Конор) е втурнат во заплетканиот свет на ограбувачи на гробови и ќе направи се да ги обезбеди Етруските артефакти во осумдесетите.
Monster
Режисерот Хироказу Коре-еда се враќа со неговиот мајчин јапонски во една драмска рашомонијада раскажана од три перспективи: на мајката, на детето и учителот кои се наоѓаат во ситуација на насилство во училиште. Музиката за овој филм е на познатиот композитор Рјуичи Сакамото, кој почина неодамна.
Strange Way Of Life
Филм на Педро Алмодовар со Итан Хок и Педро Паскал кои глумат ранчер и шериф здружени после неколку декади иако нивната средба не изгледа случајна. Секогаш со нетрпение чекаме филм со Педро Паскал, а и плус режија на Алмодовар.
Old Oak
Дејството се одвива околу еден паб, последен во село кое исчезнува во округот Дурам и единственото јавно место за сите што живеат во близина. Кога опаѓачките куќи на цените носат сириски бегалци во областа се случуваат тензии. Но, газдата на пабот станува пријател со еден млад Сириец и тука се јавува прашањето дали две маргинализирани фракции може да најдат заедничка нишка.
Club Zero
Психолошки трилер кој се одвива во елитно интернатско училиште кога влијателна професорка бара да воведе нов предмет кој се вика „свесно јадење“. Формирајќи силен сојуз со пет студенти таа ги поттикнува тинејџерите драстично да го намалат јадењето, да ги предизвикаат општествените норми и да се повлечат од нивните родители.
The New Boy
Кејт Бланшет е повторно во одлична улога после номинацијата за Тар, овој пат како калуѓерка во изолиран манастир во четириесетите години во Австралија. Нејзиниот балансиран свет е пореметен кога ненадејно во текот на една ноќ на нејзината врата ќе се појави деветгодишно момче Абориџин кој е сирак.
Indiana Jones and the Dial of Destiny
Во петтиот и последен дел на акциската авантура на Харисон Форд и познатата франшиза ќе ги гледаме и Антонио Бандерас, Мадс Микелсен и Фиби Валер-Бриџ, девојката која ќе го предомисли познатиот археолог од пензионирање и ќе го натера да оди на мисија за наоѓање на мистериозен предмет кој може да ја смени историјата.
