На светската премиера на новиот биографски филм за легендарната боксерка Кристи Мартин, одржана оваа недела, Сидни Свини привлече огромно внимание — и со своето присуство, и со силната порака што ја сподели по прикажувањето. Филмот, режиран од Дејвид Мичод, ја обработува драматичната и инспиративна вистинска приказна на Мартин – жена која стана симбол на отпор, преживување и непокорна храброст по годините семејно насилство низ кои поминала.
Остварувањето веќе предизвика бурни реакции, поради комбинацијата на чувствителна тема, исклучителна режија на Мичод и моќната трансформација на Свини во улогата на боксерската икона.
По премиерата, актерката објави емотивна порака, посветена на искуството:
„Горда сум на филмот кој го направи Дејвид. Горда сум на приказната која ја раскажавме. Горда сум што претставував некоја толку силна и отпорна како Кристи Мартин. Ова искуство беше една од најголемите честови во мојот живот.“
Таа нагласува дека филмот не е создаден само како уметничка творба, туку како проект со длабока мисија:
„Овој филм е приказна за преживување, храброст и надеж. Ако Кристи ѝ даде дури и на една жена храброст да го направи првиот чекор кон безбедност, тогаш успеавме. Не правиме уметност само за бројки – ја правиме за да имаме влијание. А Кристи беше највлијателниот проект во мојот живот. Ти благодарам, Кристи. Те сакам.“
Со оваа искрена изјава, Сидни Свини уште еднаш ја истакна моќта на вистинските приказни – приказни што не само што допираат, туку можат да спасат животи.
