Од денес, на платформата Netflix достапен е трилерот The Rip, нов филм кој својата премиера ја има директно на стриминг-платформата. Со овој проект, повторно се обединуваат Ben Affleck и Matt Damon, и како актери и како продуценти.
Филмот е сместен во Мајами и ја следи приказната за група полицајци кои за време на истрага откриваат голема сума нелегални пари. Откритието предизвикува внатрешни конфликти и сомнежи, а односите меѓу ликовите постепено се нарушуваат. Приказната се фокусира на довербата, одговорноста и притисокот што произлегува од моќта и искушението.
Режијата е на Joe Carnahan, познат по филмови со динамична нарација и јасна жанровска структура. Афлек и Дејмон ги носат централните улоги, а актерската екипа ја надополнуваат Steven Yeun, Teyana Taylor и Sasha Calle.
The Rip комбинира елементи на трилер и полициска драма, со нагласок на развојот на приказната и одлуките на ликовите под притисок. Филмот е дел од новата генерација Netflix-оригинали што се позиционираат како премиерни наслови со познати авторски имиња.
