Режисерката Грета Гервиг влезе во историјата за најголемото деби на филм режиран од жена откако филмот интернационално заработи 377 милиони долари во премиерниот викенд. Во САД и Канада низ кино салите „Барби“ го зазеде првото место за домашна премиера со масивна продажба на билети од 155 милиони долари на 4,243 локации надминувајќи го и „Супер Марио Брос“ филмот и секој филм од Марвел излезен годинава.
Во исто време филмот на Кристофер Нолан за „Опенхајмер“, создавањето на атомската бомба, ги надмина очекувањата со 174 милиони долари. Само во САД и Канада „Опенхајмер“ заработи 80.5 милиони што го направи најголемото деби на Нолан покрај филмовите „Бетмен“ и еден од најдобрите стартови на биографски филм кој е R-оценет. Самиот Нолан за филмот потврди дека нема ниту една CGI сцена, а детонацијата ја снимил без да се потпира на било каков CGI ефект бидејќи сакал да долови реално и вистинско чувство кај публиката. Во драмата „Опенхајмер“ глуми Килијан Марфи како американскиот научник Џ. Роберт Опенхајмер, човекот кој ја разви атомската бомба. Филмот наиде на одлични критики и се очекува да биде кандидат во претстојната трка за наградите Оскар.
Резултатите на двата филмови обезбедија добредојден поттик за студијата и кината кои доживеаја разочарувачко лето досега. Продажбата на билети се движеше под минатата година и покрај поголемиот број филмови во кинеплексите. Лудилото „Барбенхајмер“, поради два мошне очекувани, но сосема различни филмови кои се отвораа истовремено, бучеше во кината.
