Со боење, снимање, разубавување и истражување на најстариот музеј во Македонија започна четвртото издание на Маалски Фестивал – настан кој ги обединува локалните заедници, уметници, активисти и љубителите на културата. Фестивалот, кој веќе стана препознатлив по својата енергија и инклузивност, оваа година повторно го претвора маалото во отворен простор за креативност, учење и дружење.
Денес, посетителите се поканети да се придружат во КСП Центар – Јадро, каде официјално ќе се отвори фестивалот и ќе се претстават нови уметнички содржини, меѓу кои и мурал на фасадата на Јадро од авторката Христина Иваноска.
Преглед на програмата
Четврток, 25 септември
- 12:00–16:00 — Приказни од Природнонаучен: детска работилница за креативно пишување со Марија Бошковска (Природнонаучен музеј)
- 12:00–16:00 — Све и свашта во маало: изработка и поправка на урбана опрема + поправка на велосипеди со Никола Писарев и Озбек Ајваз (Парк на Франкофонија)
- 12:00–15:00 — Dreamer: промоција на колекција накит на Елена Ристовска (КСП Центар – Јадро)
- 13:00–17:00 — Обоени приказни: изработка на мурал со Зорица Зафировска (КСП Центар – Јадро)
- 16:00–19:00 — Само Сними: работилница за аматерски филм со Јане Алтипармаков (КСП Центар – Јадро)
Петок, 26 септември
- 12:00–16:00 — Приказни од Природнонаучен (Природнонаучен музеј)
- 11:00–15:00 — Животински костим – Чувари на природата: детска работилница со Доротеј Нешковски
- 12:00–16:00 — Све и свашта во маало (Парк на Франкофонија)
- 15:30–16:00 — Презентација на работилниците „Животински костим“ и „Приказни од Природнонаучен“
- 20:00 — Официјално отворање и претставување на новиот мурал (КСП Центар – Јадро)
- 20:30 — Изложба и презентација на Франциска Клозе и Остен Фестивал (Германија)
- 21:30 — Концерт на Калико – хуманитарен концерт за поддршка на Кочани
- 22:30 — Концерт на Корка – хуманитарен концерт за поддршка на Кочани
Сабота, 27 септември
- 11:00–17:00 — Маалски базар на артизани и мал саем на книги (ТЦ Буњаковец)
- 12:00–14:00 — Работилница за изработка на накит со Ивана Стеваноска (ТЦ Буњаковец)
- 10:00–18:00 — Работилница за културен менаџмент со Виолетна Качакова и Роберт Алаѓозовски (КСП Центар – Јадро)
- 12:00–15:00 — Работилница за чуднозвучни инструменти со Владимир Лукаш (ТЦ Буњаковец)
- 13:00–15:00 — Раскажување на маалски приказни (ТЦ Буњаковец)
- 15:00 — Концерт на малиот оркестар „Чуднозвучни инструменти“ (ТЦ Буњаковец)
- 19:00 — KRIEG / A-C-I-N-S-E-L-A-K: експериментален видео-театарски диптих (КСП Центар – Јадро)
- 21:30 — Филмска вечер: проекции на филмови од работилницата „Само Сними“, фестивалот „Ѕирни“ и анимирани филмови на Ема Зафировска (КСП Центар – Јадро)
- 22:30 — Концерт на Големата вода (КСП Центар – Јадро)
- 23:00 — DJ сет на Боријан (КСП Центар – Јадро)
Настанот „Маалско мезе – заедничка трпеза за споделување храна и маалски муабети“ ќе се одржи идната недела; точниот датум и локација ќе бидат дополнително објавени.
Маалски Фестивал 4.0 е повеќе од културен настан – тој е симбол на заедништво и креативно оживување на урбаните средини. Со комбинирање на уметнички работилници, изложби, концерти и активности за сите генерации, фестивалот ја поттикнува соработката меѓу жителите, локалните иницијативи и независната културна сцена. Настани од ваков вид придонесуваат за развивање чувство на припадност, заживување на јавните простори и промовирање на културата како важен дел од секојдневниот живот во градот.
