Во модата, најинтересни се моментите кога практичното станува пожелно. Ранецот, некогаш чисто утилитарен предмет, денес е префинет моден акцент. Тој ја одразува новата култура на движење – урбаната личност што патува со велосипед на работа, што сака да има слобода на рацете и простор за своите идеи и предмети.
Есента 2025 го истакнува ранецот како симбол на современата елеганција: модели изработени од луксузни материјали, внимателни пропорции и детали кои раскажуваат за вкус, а не само за потреба. Ранецот е веќе не само додаток, туку алатка за живот, со која модата ја слави независноста, мобилноста и интелигентниот дизајн.
Стилска кожна опција за вечерни изданија
Кожниот ранец веќе не е компромис меѓу спортско и елегантно, туку дел од визуелниот јазик на современата жена. Минималистички линии, нежни бои и рафинирани детали го прават идеален избор за вечерни настани или уметнички отворања.
Луксузни statement ранеци
Големите модни куќи го редефинираат ранецот – од Prada Re-Nylon до Loewe Flamenco – претворајќи го во објект на желба. Овие парчиња се симбол на луксуз кој не се плаши да биде практичен, совршени за оние кои сакаат да носат дел од модната историја на своите плеќи.
Работни/лаптоп ранеци за секојдневието
Во време кога границата меѓу работа и приватен живот е сѐ понејасна, овие ранеци нудат структура и сигурност. Дизајнирани се да го заштитат лаптопот и документите, но и да изгледаат доволно софистицирано за да се носат со костум или сако.
Пространи градски и патнички модели
Ранецот стана новиот carry-all – доволно голем за сè што ни е потребно во динамичен ден, а доволно стилски за да не изгледа спортски. Идеален е за викенд патувања, работилници и креативни денови во град.
Мини ранец – носталгичен, но модерен
Овој тренд е чиста 90-та носталгија, но со нова софистицираност. Miu Miu и Saint Laurent нудат мини модели што се речиси накит – носат ведрина и младешка енергија, без да жртвуваат функционалност.
