Nike и лондонскиот моден бренд KNWLS создадоа колекција што ја брише линијата меѓу спорт и мода — осум парчиња дизајнирани како „high-femme armor“ за жената што се движи со самодоверба, стил и сила.
„Најголемата инспирација беше идејата дека спортската облека може да биде и практична и заводлива,“ вели Шарлот Ноулс, коосновачка на KNWLS. „Сакавме да создадеме нешто што ќе го носиш и на терен, и во клуб.“
Во срцето на колекцијата е Scythe корсетот, изработен со Flyknit технологија од Nike — за првпат пренесена во облека. Со прилагодливи копчиња, линеарни детали и техничка прецизност, тој го дефинира спојот меѓу занаетчиството и иновацијата.
Колекцијата вклучува и Ghost топ и панталони со кружно плетен материјал и графички отвори, Storm топ од Dri-FIT ткаенина со избелен кариран ефект и Joan twinset — спортска јакна и двослојна сукња со внатрешни шорцеви и рефлектирачки детали.
Кулминацијата е новата Air Max Muse — патика што ја комбинира сензуалноста на балетските чевли и енергијата на клубската сцена, со футуристичен дизајн и скулптурална силуета.
Во кампањата се појавуваат атлетката Имани-Лара Лансикво, моделот Су Џу Парк, танчерот Евгенија Нирка и артистките Crystallmess и VTSS, секоја со свој уникатен израз на сила, грација и авангардна женственост.
Колекцијата ќе биде достапна ексклузивно преку KNWLS на 14 октомври, во одбрани продавници на 15 октомври, а глобално преку Nike SNKRS апликацијата на 23 октомври.
