Дар Мар (Дарко Марковиќ), името синоним за македонската карикатура и сатира, срип цртач, но и филмски режисер, сценарист, илустратор и дизајнер, остави неизбришлива трага на културниот пејзаж на Македонија. Карикатурите на Дар Мар беа повеќе од само хумористични скици. Тие беа проникливи критики на општеството, политиката и секојневниот живот. Дар Мар беше остроумен сатиричар кој ја користеше својата уметност за да ги разоткрие општествените зла и политичките апсурди. Неговите стрипови беа моќен спој на хумор и иронија.
Најпозната креација на Дар Мар, стрип-јунакот Пецко, роден во 1979 година, живееше низ страниците на многу весници, портали и на ТВ екраните. Пецко наоѓаше хумор во апсурдните ситуации, а неговиот шарм лежеше во способноста да ги сатиризира секојдневните борби и радости на обичните луѓе. Преку неговите очи, монотоното станува извонредно, а вообичаеното апсурдно. Популарноста го направи Пецко симбол на националниот хумор.
Сатиричните дела на ДарМар беа моќна алатка за социјална критика и поттикнување на критичкото размислување.
Издвоивме неколку стрипови за да се потсетиме на Пецко и на неверојатниот Дар Мар.
